នៅព្រឹកថ្ងៃទី ១០ ខែឧសភា ២០២២ នេះ មានការភ្ញាក់ផ្អើលជុំវិញករណីក្រុមចោរលួចចូលគាស់ទូដែកក្នុងរោងចក្រកាត់ដេរសម្លៀកបំពាក់ តៃអ៊ីហ្ស៊ី (Taieasy) ស្ថិតក្នុងភូមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់ យកលុយអស់ប្រមាណ ១ លានដុល្លារ។ នេះបើតាមប្រភពព័ត៌មាន ពីភ្នាក់ងារកម្ពុជាថ្មី។
ស្នងការនគរបាលខេត្តពោធិ៍សាត់ លោក ស ថេង នៅរសៀលថ្ងៃទី ១០ ខែឧសភានេះ មិនទាន់អាចបញ្ជាក់ពីដំណើររឿងជុំវិញករណីនេះបានទេ ដោយលោកបញ្ជាក់យ៉ាងខ្លីថា សមត្ថកិច្ចកំពុងធ្វើការស្រាវជ្រាវស៊ើបអង្កេតករណីនេះ។
នៅម៉ោងប្រមាណ ១ រសៀលថ្ងៃទី ១០ ខែឧសភានេះ មន្ត្រីផ្នែកនាយកដ្ឋាន នៃក្រសួងមហាផ្ទៃ បានចុះទៅដល់ទីតាំងកើតហេតុធ្វើការស្រាវជ្រាវ និងវាយតម្លៃនៅកន្លែងទូដែកក្នុងរោងចក្រ។
តាមរូបភាព ដែលកម្ពុជាទទួលបាននៅកន្លែងកើតហេតុ សមត្ថកិច្ចបានចងខ្សែហ៊ុមព័ទ្ធចំណុចទីតាំងកាត់ហេតុ ខណៈដែលរូបភាពគន្លឹះសោចាក់ទ្វារត្រូវបានកាត់ផ្ដាច់ រីឯទូដែកត្រូវបានរបើក នៅតែទូទទេ៕
