ព្រះវិហារ)៖ នៅរសៀលថ្ងៃទី១៧ ខែឧសភា ឆ្នាំ២០២២នេះ ករ ណីគ្រោះ ថ្នាក់ ចរាចរណ៍ រថយន្ដរបស់តារាចម្រៀង សុវត្ថិឌី ធារិកា ជួបគ្រោះថ្នាក់ចរាចរណ៍ក្រឡាប់ដោយខ្លួនឯង បណ្ដាលឲ្យ ស្លា ប់ឪពុក និងម្ដាយក្រោយត្រឡប់មកពីចូលរួមកម្មវិធីសម្ពោធ និងសំណង់សិល្បការផ្សេងៗ នៅស្រុកឆែប ខេត្តព្រះវិហារ ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។
លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ បានប្រាប់បណ្ដាញព័ត៌មានVPN TV ONLINE យើងឲ្យដឹងថា នៅមុនកើតហេតុ គ្រោះ ថ្នាក់ ចរាចរណ៍នេះ បណ្ដាលឲ្យមនុស្ស២នាក់ស្លាប់ ហើយគេស្គាល់ថា ជាឪពុក និងម្ដាយបង្កើត របស់តារាចម្រៀង សុវត្ថិឌី ធារិកា ព្រមទាំងអ្នករួមដំណើររង របួ ស២នាក់ទៀតផងដែរ។
បើតាមលោកឧត្តមសេនីយ៍ស្នងការ ក្រោយកើតហេតុភ្លាមៗកម្លាំងនគរបាលមូលដ្ឋាន បានចុះទៅជួយអន្តរាគមន៍ផងដែរ ប៉ុន្តែជាអកុសលជួយមិនទាន់ដោយសារជនរង គ្រោះ ក្រឡាប់ចូលប្រឡាយទឹកនៅជាប់ផ្លូវបណ្តាល ឲ្យឈ្លក់ទឹក ស្លា ប់ តែម្តង។
បន្ថែមពីនេះលោកវរសេនីយ៍ឯក ឈួរ ម៉ាឌី អធិការនគរបាលស្រុកឆែប បានបញ្ជាក់ថា ហេតុការណ៍នេះ គឺរថយន្ដក្រឡាប់ធ្លាក់ទឹកដោយខ្លួនឯង ហើយជនរងគ្រោះដែល ស្លា ប់ ទំនងជាឈ្លក់ទឹក ដែលមិនអាចសង្គ្រោះបានទាន់ពេលវេលា។
ដោយឡែកតារាចម្រៀង អ៊ាម វណ្ណី ក៏បានប្រាប់នៅមុននេះបន្តិចថា ឪពុក និងម្តាយរបស់សុវត្ថិឌី ធារិកា បានបាត់បង់ជីវិតទាំងពីរអ្នកហើយ ក្នុងគ្រោះថ្នាក់ចរាចរ នៅស្រុកឆែប ខេត្តព្រះវិហារ ធារិកា ប្អូនប្រុស និងយាយផុតគ្រោះថ្នាក់ ហើយលោកពិតជាសោកស្តាយយ៉ាងខ្លាំង ចំពោះការបាត់បងនេះ។
សូមជម្រាបថា តាមរយៈ Facebook របស់តារាចម្រៀង សុវត្ថិឌី ធារិកា បានឲ្យដឹងថា កាលពីព្រឹកមិញនេះ រូបនាងបានទៅចូលរួមកម្មវិធីសម្ពោធ និងសំណង់សិល្បការផ្សេងៗ ស្ថិតក្នុងភូមិកំពង់ស្រឡៅ ឃុំកំពង់ស្រឡៅមួយ ស្រុកឆែប ខេត្តព្រះវិហារ លុះត្រឡប់មកវិញ ក៏បានជួបនូវហេតុការណ៍គ្រោះថ្នាក់ចរាចរណ៍នេះតែម្ដង៕
ជាមួយគ្នានេះ ទាំងលោកឧត្តមសេនីយ៍ស្នងការ និងលោកអធិការស្រុក សូមចូលរួមរំលែកទុក្ខជាមួយក្រុមគ្រួសាររងគ្រោះផងដែរ សម្រាប់ជួបគ្រោះអកុសលមួយនេះ។
