ភ្នំពេញ ៖ ទីតាំងខារ៉ាអូខេមួយកន្លែង ដែលមានយីហោ «យូធី ខេធីវី» ស្ថិតនៅខាងលិចភ្លើងស្តុបវត្តអង្គតាមិញ តាមបណ្តោយផ្លូវលេខ២០០៤ ក្នុងភូមិអង្គតាមិញ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អេីលកាលពីវេលាម៉ោង១១និង៥០នាទីព្រឹក ថ្ងៃទី១៤ ខែឧសភា ឆ្នាំ២០២២នេះ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញផ្សែងយ៉ាងខ្មួលខ្មាញ់ចេញពីផ្នែកខាងក្នុងទីតាំងនោះទេីបបង្កការភ្ញាក់ផ្អេីលដល់ប្រជាពលរដ្ឋជិតខាងរាយការណ៍ទៅសមត្ថកិច្ចហៅក្រុមរថយន្តពន្លត់អគ្គិភ័យជាច្រេីនគ្រឿងមកធ្វើអន្តរាគមន៍ជៀសវាងរាលដាលដល់ផ្ទះប្រជាពលរដ្ឋជិតខាង។
ករណីគ្រោះអគ្គិភ័យខាងលេីនេះគឺធ្វើឱ្យខូចខាតសម្ភារមួយចំនួនដោយមិនមានរងរបួសដល់មនុស្សទេ។ ចំពោះមូលហេតុនៃការឆាបឆេះនេះត្រូវបានគេសង្ស័យថាមកពីឆ្លងចរន្តអគ្គិសនី៕
