កោះកុង៖ កម្លាំងរបស់ស្នងការដ្ឋាននគរបាលខេត្តកោះកុងនៅវេលាម៉ោង៩យប់ ថ្ងៃទី១១ ខែវិច្ឆិកា ឆ្នាំ២០២២បានបើកប្រតិបត្តិការក្ដៅគគុកចុះបង្ក្រាបបទល្មើសជាក់ស្ដែងករណីបង្ខាំងមនុស្សខុសច្បាប់ និងជំរិតទារប្រាក់ នៅក្រុងខេមរភូមិន្ទ ឈានដល់ការឃាត់ខ្លួនជនសង្ស័យបានចំនួន៦នាក់។
ប្រតិបត្តិការដ៏ក្ដៅគគុកខាងលើនេះ យោងតាមបណ្តឹងរបស់ឈ្មោះ Ong Tun Chyian ភេទប្រុស អាយុ ៣៩ឆ្នាំ ជនជាតិម៉ាឡេស៊ី។ក្រោយពីកម្លាំងសមត្ថកិច្ចទទួលបានបណ្តឹងភ្លាម ក្រុមសមត្ថកិច្ចបានចុះបង្ក្រាប និងធ្វើការឃាត់ខ្លួនបានជនសង្ស័យចំនួន ៦នាក់ ស្រី២ នាក់ រួមមាន ៖
១-ឈ្មោះ Deng Chentao ភេទប្រុស អាយុ ៣០ឆ្នាំ ជនជាតិចិន
២-ឈ្មោះ Yoo Shu Xin ភេទស្រី អាយុ ២៧ឆ្នាំ ជនជាតិម៉ាឡេស៊ី
៣-ឈ្មោះ Lim Mun Hong ភេទប្រុស អាយុ ២០ឆ្នាំ ជនជាតិម៉ាឡេស៊ី
៤-ឈ្មោះ Zhang Manning ភេទស្រី អាយុ ២៩ឆ្នាំ ជនជាតិចិន
៥-ឈ្មោះ Luo Liangliang ភេទប្រុស អាយុ ២៨ឆ្នាំ ជនជាតិចិន
៦-ឈ្មោះ Huang Shikun ភេទប្រុស អាយុ ២៤ឆ្នាំ ជនជាតិចិន ។
គួរជម្រាបជូនថា ប្រតិបត្តិការខាងលើនេះ ក្រោមបទបញ្ជាដ៏ម៉ឺងម៉ាត់របស់លោកឧត្ដមសេនីយ៍ទោស្នងការនគរបាលខេត្ត ដោយមានការសម្របសម្រួលពីលោក អេង ចាន់ភារ៉ា ព្រះរាជអាជ្ញារងនៃអយ្យការអមសាលាដំបូងខេត្ត កម្លាំងអន្តោប្រវេសន៍ខេត្ត កម្លាំងអន្តរាគមន៍ពិសេស នៃស្នងការដ្ឋាននគរបាលខេត្តកោះកុង និងកម្លាំងអធិការដ្ឋាននគរបាលក្រុងខេមរភូមិន្ទ ចុះបង្ក្រាបបទល្មើសជាក់ស្ដែង ករណីបង្ខាំងមនុស្សខុសច្បាប់ និងជំរិតទារប្រាក់ នៅក្រុងខេមរភូមិន្ទ ។
បច្ចុប្បន្នករណីនេះ កម្លាំងជំនាញបានកសាងសំណុំរឿង ចាត់ការតាមនីតិវិធី៕