ភ្នំពេញ ៖ ជនសង្ស័យចំនួន៣នាក់ជិះម៉ូតូចំនួន៣គ្រឿងបានធ្វេីសកម្មភាពឆក់យកកាបូបស្ពាយពីប្តីប្រពន្ធមួយគូជិះម៉ូតូឌុបគ្នាតាមដងផ្លូវបានសម្រេចហេីយព្យាយាមគេចខ្លួនត្រូវជនរងគ្រោះនិងប្រជាពលរដ្ឋដេញឃាត់ខ្លួនបានម្នាក់ចំណែកបក្ខពួក២នាក់ទៀតយកកាបូបជិះម៉ូតូគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង៤និង៤០នាទីរសៀលថ្ងៃទី២១ខែមិថុនា ឆ្នាំ២០២២ នៅលេីដងមហាវិថីឈ្នះ=ឈ្នះ ក្នុងភូមិចាក់ជ្រូក សង្កាត់ត្រពាំងក្រសាំង ខណ្ឌពោធិ៍សែនជ័យ ។
ជនសង្ស័យឈ្មោះ ម៉ា រ៉ានុត ភេទប្រុសអាយុ១៩ឆ្នាំ មុខរបរមិនពិតប្រាកដ ស្នាក់នៅសង្កាត់គោកឃ្លាង ខណ្ឌសែនសុខ។
ជនរងគ្រោះឈ្មោះ ចក់ ចន្តា ភេទស្រី អាយុ៣១ឆ្នាំ ស្នាក់នៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។
ទ្រព្យសម្បត្តិដែលបាត់បង់មាន លុយខ្មែរ៣០ម៉ឺនរៀល ទូរស័ព្ទមួយគ្រឿង។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបគាត់ពីរនាក់ប្តីបានជិះម៉ូតូឌុបគ្នាធ្វេីដំណេីរតាមបណ្តោយមហាវិថីឈ្នះ=ឈ្នះ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានជនសង្ស័យ៣នាក់ជិះម៉ូតូចំនួន៣គ្រឿងមកពីក្រោយ ហើយបន្ទាប់មកអ្នកជិះម៉ូតូខាងមុខក៏ធ្វេីសកម្មភាពឆក់យកកាបូបពីរូបគាត់បានសម្រេចហេីយគេចខ្លួនបាត់ ភ្លាមនោះរូបគាត់បានស្រែកថាចោរៗហើយដេញតាមពីក្រោយ។
បន្ទាប់មកជនសង្ស័យម្នាក់ដែលជិះម៉ូតូម៉ាកឃ្លីក ពណ៌ខ្មៅ ពាក់ស្លាកលេខភ្នំពេញ1JG-3667 តាមក្រោយក៏លូកកាច់សោម៉ូតូគាត់ពន្លត់ហេីយព្យាយាមគេចខ្លួនតែត្រូវប្រជាពលរដ្ឋដេញតាមពីក្រោយ ជនសង្ស័យភ័យពេកក៏ជិះម៉ូតូទៅបុករថយន្តគេពីក្រោយដួលទេីបពលរដ្ឋឃាត់បានភ្លាមៗ។
ក្រោយកេីតហេតុជនសង្ស័យត្រូវបានសមត្ថកិច្ចនាំយកទៅសាកសួរនិងចាត់ការតាមនីតិវិធី៕
