ភ្នំពេញ ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនយកទៅសួរនាំពាក់ព័ន្ធករណីលួចទូរស័ព្ទរបស់គេកាលពីវេលាម៉ោង១២ថ្ងៃត្រង់ ថ្ងៃទី១៧ ខែមិថុនា ឆ្នាំ២០២២ នៅចំណុចហាងទូរស័ព្ទមួយកន្លែង ក្នុងភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ ។
ជនសង្ស័យឈ្មោះ ហួត ចាន់រី ភេទស្រីអាយុ២០ឆ្នាំ មុខរបរមិនពិតប្រាកដ ស្នាក់នៅភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
ចំណែកជនរងគ្រោះឈ្មោះ ងី ចាន់លន ភេទស្រី អាយុ៤១ឆ្នាំ មុខរបរលក់ទូរស័ព្ទ ស្នាក់នៅភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ។ តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះបានឱ្យកូនប្រុសអាយុ៧ឆ្នាំនៅអង្គុយខាងមុខដេីម្បីមេីលទូលក់ទូរស័ព្ទ ចំណែកជនរងគ្រោះបានចូលទៅខាងក្នុងបន្ទប់ លុះបានប្រហែល២០នាទីក៏ឮសំឡេងកូនស្រែកថាមានគេលួចយកទូរស័ព្ទដាក់ក្នុងថង់ខ្មៅ។
បន្ទាប់មកជនរងគ្រោះជាម្តាយចេញមកឃេីញជនសង្ស័យកំពុងអង្គុយក្បែរទូលក់ទូរស័ព្ទក៏ឃាត់ខ្លួនឆែករកឃេីញទូរស័ព្ទចំនួន៨គ្រឿងទេីបរាយការណ៍ទៅសមត្ថកិច្ចឃាត់ខ្លួនយកទៅសួរនាំនិងចាត់ការតាមច្បាប់៕
