ភ្នំពេញ ៖ ជនសង្ស័យម្នាក់ត្រូវបានសមត្ថកិច្ចឃាត់ខ្លួនយកទៅសួរនាំកាលពីវេលាម៉ោង៣និង៣០នាទីរសៀល ថ្ងៃទី២ខែមិថុនា ឆ្នាំ២០២២ នៅចំណុចឃុំអន្លង់រមៀត ស្រុកកណ្តាលស្ទឹង ខេត្តកណ្តាល ក្រោយពីធ្វេីសកម្មភាពលួចម៉ូតូមួយគ្រឿងនៅ ភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ ផាន់ វណ្ណា ភេទប្រុសអាយុ៤១ឆ្នាំស្រុកកំណេីតនៅខេត្តកំពត។
ជនរងគ្រោះឈ្មោះ អេង ចាន់ថេង ភេទប្រុស អាយុ២៩ឆ្នាំ មុខរបរជាងកាត់ដេរ ស្នាក់នៅបន្ទប់ជួលភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ម៉ូតូដែលជនសង្ស័យលួចយកទៅម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1BQ.3002 ។
តាមប្រភពព័ត៌មានបានឲ្យដឹងថា នៅមុនពេលកេីតហេតុកាលពីវេលាម៉ោង១៦និង៣០នាទី ថ្ងៃទី១ ខែមិថុនា ឆ្នាំ២០២២ ជនរងគ្រោះបានទុកម៉ូតូក្បែរបន្ទប់ជួលបន្ទាប់មកស្រាប់តែមានជនសង្ស័យម្នាក់មកធ្វេីសកម្មភាពលួចឆ្កឹះសោម៉ូតូលួចទៅបាត់។
ប្រភពដដែលបានបន្តថា លុះមកដល់ថ្ងៃទី២ ខែឆ្នាំដដែល ប្អូនជនរងគ្រោះបានប្រទះឃេីញម៉ូតូរបស់ជនរងគ្រោះដែលជនសង្ស័យលួចទៅ ពេលនោះក៏ដេញតាមរហូតដល់ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ជនសង្ស័យបម្រុងលេីកម៉ូតូដាក់រថយន្តឈ្នួលទេីបប្អូនជនរងគ្រោះឃាត់ខ្លួនប្រគល់ជូននគរបាលប៉ុស្តិ៍អន្លង់រមៀតតែម្តង។
ក្រោយសាកសួររួច សមត្ថកិច្ចបានប្រគល់ជូនកម្លាំងសមត្ថកិច្ចចោមចៅទី៣ នៃខណ្ឌពោធិ៍សែនជ័យជាម្ចាស់ករណីយកទៅចាត់ការតាមច្បាប់៕
